Scene Groups සහ P2P වෙනස: Torrent වලට මුලින්ම files release වෙන්නේ කොහොමද?

අපි හැමෝම ජීවිතේ කවදා හරි ඉන්ටර්නෙට් එකෙන් ෆිල්ම් එකක්, ගේම් එකක්, සිංදුවක් හෝ සොෆ්ට්වෙයාර් එකක් download කරලා ඇති. ගොඩක් අය හිතන්නේ මේවා නිකන්ම ටොරන්ට් (Torrent) සයිට්වලට එනවා කියලා. හැබැයි මේ පයිරසි (Piracy) ලෝකය පිටුපස තියෙන්නේ හරිම සංකීර්ණ, මට්ටම් කිහිපයකින් සමන්විත දැවැන්ත පද්ධතියක්.

මේ පද්ධතියේ ප්‍රධානම කොටස් දෙක තමයි "The Scene" (Scene Groups) සහ "P2P" කියන්නේ. මේ දෙකෙන් ඇත්තටම internet එකට මුලින්ම files දාන්නේ කවුද? අපි අද ඒ ගැන සරලව කතා කරමු.

1. පිරමීඩයේ මුදුන: "The Scene"

අපි internet එකෙන් download හැම හොර file එකකම ආරම්භය තියෙන්නේ මෙතන. "The Scene" කියලා කියන්නේ ලෝකය පුරා විසිරිලා ඉන්න, ඉතාමත් රහසිගත හැකර්වරුන් සහ ක්‍රැකර්වරුන්ගෙන් සමන්විත underground network එකක්.

මොවුන් ක්‍රියාත්මක වෙන්නේ සාමාන්‍ය මිනිසුන්ට ඇතුළු වෙන්න බැරි, අතිශය ආරක්ෂිත "Topsites" කියන පුද්ගලික සර්වර්ස් (Private Servers) හරහායි.

Scene Groups වල විශේෂතා:

• මුදල් මත පදනම් නොවීම: මොවුන් කිසිම වෙලාවක මේ දේවල් සල්ලිවලට කරන්නේ නැහැ. ඔවුන්ට අවශ්‍ය වෙන්නේ අන්තර්ජාලය ඇතුළේ තමන්ගේ ගෲප් එකේ නම ප්‍රසිද්ධ කරගන්න (Respect/Reputation) විතරයි.
• දැඩි නීති රීති (The Rules): Scene Group එකකට හිතුමතේ files රිලීස් කරන්න බැහැ. ඔවුන්ටම වෙන් වුණු දැඩි නීති මාලාවක් තියෙනවා. ෆිල්ම් එකක කොලිටිය කොහොමද, file ෆෝමැට් එක මොකක්ද කියන දේවල් මේ නීතිවල තියෙනවා. නීති කැඩුවොත් ඒ රිලීස් එක "NUKE" හෙවත් අවලංගු කරලා දානවා.
• වේගය (The Race): අලුත් ෆිල්ම් එකක් හෝ ගේම් එකක් ආපු ගමන් කාටත් කලින් ඒක ක්‍රැක් කරලා Topsite එකකට දාන්න මේ ගෲප්ස් අතර ලොකු තරගයක් තියෙනවා.

2. අපේ මට්ටම: P2P (Peer-to-Peer)

ඔයාලා පාවිච්චි කරන uTorrent, BitTorrent වගේ දේවල් අයිති වෙන්නේ මේ P2P කියන කාණ්ඩයට. මෙතැනදී වෙන්නේ එකම file එකක් ලෝකයේ ඉන්න විවිධ පුද්ගලයන් එකිනෙකා අතර බෙදාගැනීමයි (Seeding and Leeching).

අපි සාමාන්‍යයෙන් දකින Torrent වෙබ් අඩවි (උදාහරණයක් විදිහට YTS, 1337x, PSA වගේ තැන්) සහ Telegram Channels අයිති වෙන්නේ මේ P2P කියන කොටසටයි.

3. ඇත්තටම මුලින්ම files දාන්නේ කවුද? (The Flow of Piracy)

දැන් අපි බලමු මේ දෙකෙන් ඇත්තටම මුලින්ම internet එකට file එකක් එන්නේ කොහොමද කියලා. මේක පියවරෙන් පියවර ගලාගෙන යන්නේ මෙහෙමයි:

1. The Scene: අලුත්ම ෆිල්ම් එකක් හෝ ගේම් එකක් ආවම, scene group එකක ඉන්න කෙනෙක් ඒක මුලින්ම ලබාගෙන (Supplied), ඒකේ තියෙන ආරක්ෂක වැටවල් කඩලා (Cracked), ඔවුන්ගේ Topsites වලට මුදාහරිනවා.
2. The Leaks: මේ Topsites වල ඉන්න සමහර සාමාජිකයෝ, මේ රහසිගත files හොරෙන් එළියට අරගෙන සාමාන්‍ය P2P වෙබ් අඩවිවලට (Public Torrent Sites) upload කරනවා.
3. P2P Encoders: YTS හෝ PSA වගේ ප්‍රසිද්ධ P2P සයිට්වල ඉන්න අය කරන්නේ අර scene එකෙන් ලීක් වෙච්ච ලොකු සයිස් files අරගෙන, ඒවා පොඩි size වලට (Rip/Encode) කරලා සාමාන්‍ය ජනතාවට download කරන්න දෙන එකයි

කෙටියෙන්ම කිව්වොත්: ඇත්තටම මුලින්ම files රිලීස් කරන්නේ "The Scene" groups වලින්. P2P කරන්නේ ඒ එන දේවල් අරගෙන සාමාන්‍ය මිනිස්සු අතර බෙදාහරින එකයි.

අපි අද දකින මුළු පයිරසි ලෝකයම පවතින්නේ මේ scene groups නිසා කිව්වොත් නිවැරදියි. ඔවුන් නැත්නම් අපිට අද Torrent සයිට්වල දකින්න තියෙන ගොඩක් දේවල් දකින්න ලැබෙන්නේ නැහැ.

By SANA