Project Hail Mary: මුළු පෘථිවියම බේරන්න අභ්‍යවකාශයේ තනිවුණු මිනිසාගේ කතාව

"The Martian" ලියපු Andy Weir ගේ තවත් පට්ටම Sci-Fi පොතක් තමයි Project Hail Mary. මේ වෙනකොට මේ කතාව ඇසුරෙන් හදපු, Ryan Gosling ප්‍රධාන චරිතය රඟපාපු හොලිවුඩ් ෆිල්ම් එකත් රිලීස් වෙලා තිරගත වෙලා අවසන්.

මුළු මනුශ්‍ය වර්ගයාම වඳවීමේ තර්ජනයකට මුහුණ දෙන මොහොතක, ඒක නවත්වන්න අභ්‍යවකාශයට යන එකම එක විද්‍යාඥයෙක් වටා තමයි මේ කතාව ගෙතිලා තියෙන්නේ.

කතාවේ පසුබිම

කතාව පටන් ගන්නේ පට්ටම කුතුහලයකින්. එක්තරා මිනිහෙක්(Ryland Grace) අභ්‍යවකාශ යානයක් ඇතුළේ සිහිය ලබනවා. හැබැයි එයාට එයා කවුද, ඉන්නේ කොහේද, මේ යානයට ආවේ කොහොමද කියලා කිසිම දෙයක් මතක නැහැ. එයා දකින්නේ තමන් ළඟ මැරිලා ඉන්න තවත් සගයන් දෙන්නෙක්ගේ සිරුරු විතරයි.

හැබැයි ටිකෙන් ටික එයාගේ මතකය ආපහු එන්න පටන් ගන්නවා. මෙයාගේ නම Ryland Grace. මෙයා කලින් ඉස්කෝලෙක Science උගන්නපු ටීචර් කෙනෙක් වගේම දක්ෂ ක්ෂුද්‍ර ජීව විද්‍යාඥයෙක් (Microbiologist).

සූර්යයාගේ ශක්තිය උරාබොන, මුළු සෞරග්‍රහ මණ්ඩලයම විනාශ කරන්න පුළුවන් අමුතුම වර්ගයේ පිටසක්වල ක්ෂුද්‍ර ජීවියෙක් ව්‍යාප්ත වෙන්න පටන් අරන්. මේ නිසා පෘථිවිය අයිස් යුගයකට ගිහින් මිනිස්සු හැමෝම මැරිලා යන්න ලොකු ඉඩක් තියෙනවා. මේකට විසඳුමක් හොයන්න ලෝකයේ ඉන්න හොදම Scientists එකතු වෙලා හදන අන්තිම බලාපොරොත්තුව තමයි "Project Hail Mary" මෙහෙයුම. Rylandට සිද්ධ වෙනවා තමන්ගේ අමතක වීම් එක්ක සටන් කරන ගමන්, යානයේ තියෙන Science Lab එක පාවිච්චි කරලා පෘථිවිය බේරගන්න ක්‍රමයක් හොයාගන්න.

ඇයි මේ කතාව මේ තරම්ම විශිෂ්ට වෙන්නේ?

1. තාත්වික විද්‍යාව (Hard Sci-Fi): Andy Weir ගේ අනිත් කතා වගේම මේකෙත් තියෙන විද්‍යාත්මක කරුණු (Physics, Chemistry, Space Mechanics) ඉතාමත් තාත්විකයි. Ryland ප්‍රශ්න විසඳන්නේ මැජික් වලින් නෙවෙයි, තනිකරම විද්‍යාත්මක සිද්ධාන්ත පාවිච්චි කරලා.
2. The Ultimate Bromance: කතාව මැද හරියේදී Rylandට තවත් අමුතුම අමුත්තෙක් මුණගැහෙනවා. ඒ තමයි වෙනත් සෞරග්‍රහ මණ්ඩලයකින් තමන්ගේ ලෝකය බේරගන්න ආපු පිටසක්වල ජීවියෙක් (Rocky). මේ දෙන්නා එකිනෙකාගේ භාෂාවන් අඳුරගෙන, එකතු වෙලා විශ්වයම බේරගන්න කරන සටන කතාවේ තියෙන ලස්සනම කොටසක්.
3. කම්මැලි නැති කුතුහලය: කතාවේ ඊළඟට මොකද වෙන්නේ කියන කුතුහලය දිගටම තියෙනවා. Flashbacks හරහා පරණ මතකය දිගහැරෙන විදිහ සහ වර්තමානයේ අභ්‍යවකාශයේ සිද්ධ වෙන දේවල් එකිනෙකට ගැලපෙන විදිහ පට්ට ලස්සනයි.

The Movie Adaptation

මේ පොතේ තියෙන ජනප්‍රියත්වය නිසාම, Ryan Gosling ප්‍රධාන චරිතය රඟපෑ සිනමා නිර්මාණය "Spider-Man: Into the Spider-Verse" හදපු Phil Lord සහ Christopher Miller විසින් අධ්‍යක්ෂණය කරනු ලැබුවා. පොතේ තිබුණු තාක්ෂණික පැත්ත වගේම හැඟීම්බර පැත්තත් ඒ විදිහටම සිනමාවට නගන්න ඔවුන් සමත් වෙලා තියෙනවා.

Project Hail Mary කියන්නේ විද්‍යාව, හාස්‍යය, කුතුහලය සහ පරිත්‍යාගය උපරිමයෙන්ම මුසු වුණු කතාවක්. Sci-Fi රසිකයෙක් නම්, ජීවිතේට මගනෑරිය යුතුම සුපිරිම නිර්මාණයක් විදිහට මේක හඳුන්වන්න පුළුවන්.

Download Project Hail Mary

By SANA