Motion Picture Mafia Studio
ඔයා කවදාහරි හිතලා තියෙනවාද ඔයා දකින හීන වෙනත් කෙනෙක්ට tv එකකින් වගේ බලන්න පුළුවන් වුණොත් මොන වගේ වෙයිද කියලා? අන්න ඒ වගේ අමුතුම තාක්ෂණයක් ගැන තමයි 2006 දී නිකුත් වුණු Paprika ඇනිමේ එකෙන් කියවෙන්නේ. මේක "Psychological Thriller" සහ "Sci-Fi" ගණයට අයිති වෙන විශිෂ්ට නිර්මාණයක්.
අනාගතයේදී මනෝ විද්යාඥයන් පිරිසක් DC Mini කියලා අලුත් උපකරණයක් හොයාගන්නවා. මේකෙන් පුළුවන් රෝගියෙක් නිදාගෙන ඉද්දි එයා දකින හීන ඇතුළට යන්න. එතකොට ඒ රෝගියාගේ යටිසිතේ තියෙන ප්රශ්න මොනවාද කියලා දොස්තරලට බලාගන්න පුළුවන්.
මෙහි ප්රධාන චරිතය තමයි Dr. Atsuko Chiba. ඇය හරිම බැරෑරුම් කෙනෙක්. හැබැයි ඇය හීන ලෝකයට යද්දී පාවිච්චි කරන්නේ ඇගේම තවත් අමුතු චරිතයක්. ඒ තමයි Paprika. Paprika කියන්නේ හරිම දඟකාර, පාට පාට, හරිම ක්රියාශීලී කෙල්ලෙක්.
ප්රශ්නය පටන් ගන්නේ මේ DC Mini උපකරණ කිහිපයක් කවුරුහරි හොරකම් කළාට පස්සේ. ඒ හොරාට පුළුවන් වෙනවා මිනිස්සුන්ගේ හීන පාලනය කරන්න විතරක් නෙවෙයි, හීන සහ සැබෑ ලෝකය එකට පටලවන්නත්. අන්තිමේදී මිනිස්සු ඇස් ඇරගෙන ඉද්දිත් හීන දකින්න පටන් ගන්නවා, සැබෑ ලෝකය පිස්සුවක් වගේ වෙන්න ගන්නවා.
මේ ෆිල්ම් එකේ තියෙන විශේෂම දේ තමයි මේකේ තියෙන "Transition" එහෙමත් නැත්නම් එක දර්ශනයක ඉඳන් තවත් එකකට මාරු වෙන විදිහ. සතෝෂි කොන් කියන අධ්යක්ෂවරයා මේකට හරිම දක්ෂ විදියට පෙන්නලා තියනවා.
ඔයා දකිනවා Paprika එක වෙලාවක ඇඳුමක් ඇඳගෙන ඉන්නවා, ඊළඟ තත්පරේ ඇය පින්තූරයක් ඇතුළට පනිනවා. මේ ෆිල්ම් එකේ තියෙන ප්රසිද්ධම දර්ශනය තමයි "Dream Parade" එක. එතනදී ගෙවල්වල තියෙන බඩුමුට්ටු, ෆ්රිජ්, සෙල්ලම් බඩු වගේ හැමදේම පෝලිමේ යනවා. ඒක බලද්දී ඔයාට ඇත්තටම හීනයක් පේනවා වගේ දැනෙයි.
ඔයාලා ක්රිස්ටෝපර් නෝලන්ගේ Inception (2010) ෆිල්ම් එක බලලා තියෙනවා නම්, ඒකේ තියෙන ගොඩක් දේවල් මේ Paprika එකට සමානයි කියලා ඔයාට හිතෙයි. නෝලන් පවා කියලා තියෙනවා Paprika ෆිල්ම් එක එයාට ලොකු ආභාශයක් වුණා කියලා. විශේෂයෙන්ම හෝටල් කොරිඩෝවල යන සීන්, කණ්ණාඩි බිඳෙන සීන් වගේ දේවල් මේ ඇනිමේ එකෙන් අරගත්තු ඒවා කියලා ගොඩක් අය කියනවා.
ඔයාලත් හිතනවාද කවදාහරි දවසක තාක්ෂණය පාවිච්චි කරලා අපේ හීන ඇතුළට යන්න පුළුවන් වෙයි කියලා? එහෙම වුණොත් ඒක හොඳක් වෙයිද නැත්නම් මේ ෆිල්ම් එකේ වගේ විනාශයක් වෙයිද? ඔයාගේ අදහස comment කරන්න!
💬 Comments